محل قطع الغيار يبيع غالبًا قطع جديدة، أصلية وتجارية. والتشليح يبيع قطع مستعملة مفكوكة من سيارات، أغلبها أصلية. إذا تبي قطعة جديدة فالمحل هو المكان، وإذا تبي قطعة أصلية بسعر أقل أو قطعة نادرة لموديل قديم فالتشليح خيار قوي. في قطعتي تحدد الأنواع اللي تقبلها، ويوصل طلبك للمحلات والتشاليح المناسبة.
الفرق باختصار
| محل قطع الغيار | التشليح | |
|---|---|---|
| نوع القطع | جديدة غالبًا، أصلية وتجارية | مستعملة غالبًا، أغلبها أصلية |
| السعر | حسب النوع والماركة | غالبًا أقل من الجديد |
| وش تسأل عنه | الشركة المصنّعة أو الماركة وبلد الصنع | الحالة والممشى وسنة السيارة المأخوذة منها |
| يناسب | القطع الاستهلاكية، ومن يبي قطعة جديدة | قطع الهيكل والقطع الكبيرة والموديلات القديمة |
متى تطلب من محل قطع الغيار؟
- إذا تبي قطعة جديدة، أصلية أو تجارية.
- للقطع اللي تتغير بشكل دوري، مثل الفلاتر.
- إذا تبي تختار بين أكثر من ماركة لنفس القطعة.
متى تطلب من التشليح؟
- إذا تبي قطعة أصلية بسعر أقل من الجديد.
- إذا كانت القطعة الجديدة غير متوفرة، خصوصًا للموديلات القديمة.
- لقطع الهيكل والقطع الكبيرة، مثل الأبواب والصدامات والأنوار.
قبل ما تختار قطعة مستعملة، راجع دليل طلب قطع غيار مستعملة.
ليش ما تطلب من الاثنين مرة وحدة؟
في قطعتي، الأنواع اللي تحددها في الطلب هي اللي تحدد مين يوصله: اختر «أصلي جديد» أو «تجاري جديد» للمحلات، و«أصلي مستعمل» أو «تجاري مستعمل» للتشاليح، أو اختر أكثر من نوع وقارن بين عروض الاثنين في مكان واحد.
وتقدر تتصفح محلات قطع الغيار والتشاليح حسب المدينة وشركة السيارة.
كيف تطلبها في قطعتي؟
- اختر سيارتك من «سياراتي»، أو أضفها برقم الهيكل.
- اكتب اسم القطعة أو رقمها، وأضف ملاحظة إن أردت (اختياري).
- حدد الأنواع التي تقبلها: حدد الجديد للمحلات، والمستعمل للتشاليح، أو الاثنين وقارن.
- تصلك العروض من محلات قطع الغيار والتشاليح. في كل عرض النوع والسعر، وملاحظة البائع عن الشركة المصنّعة أو الماركة أو الحالة.
- قارن واختر العرض المناسب لك. بعد الاختيار تتواصل مع البائع عبر واتساب وترى موقع الفرع.
آخر تحديث: